ფრანგული “ლიონის” 20 წლის ვარსკვლავმა კარიმ ბენზემამ აღიარა, რომ იტალიურ “მილანში” თამაში მისი ოცნებაა. ამის შესახებ Goal.com-ი იტყობინება. “მილანი” ჩემი ოცნების კლუბია! მე მიყვარს “მილანი”, თუმცა, უნდა ვაღიარო, რომ მივიღებ წინადადებებს ისეთი კლუბებისგანაც, როგორებიც “რეალი”, “იუვენტუსი”, “ინტერი” და “მანჩესტერ იუნაიტედი” არიან. ჩემთვის გამარჯვებებია მნიშვნელოვანი. მიუხედავად ამისა, “ლიონიდან” სხვა კლუბში მხოლოდ იმ შემთხვევაში გადავალ, როდესაც დარწმუნებული ვიქნები საკუთარ გადაწყვეტილებასა და მზადყოფნაში” – აცხადებს ბენზემა. კითხვაზე, თუ ვის მიიჩნევს ამ მომენტისთვის ბენზემა საუკეთესო მოთამაშედ, იგი პასუხობს – “საუკეთესო მესია, მერე კი მოდიან კრიშტიანუ რონალდუ, რუნი, ნასრი და აგერო”. ამ მომენტისთვის, ბენზემას შეძენით მადრიდის “რეალი” და ლონდონის “არსენალი” არიან დაინტერესებული, ფეხბურთელის სატრანსფერო თანხა კი 25 მილიონ ევროს შეადგენს.
Категория: AC Milan |
Просмотров: 453 |
Добавил: TURE
| Рейтинг: 0.0/0 |
